या विद्यापीठातून करा ही दुहेरी पदवी, पोलंडमध्ये शिक्षण घेण्याची संधी

CAT स्कोअरच्या आधारे मिळणार प्रवेश

दिल्लीने पोलंडमधील एजीएच क्राको विद्यापीठाच्या सहकार्याने आंतरराष्ट्रीय दुहेरी पदवी कार्यक्रम सुरू केला आहे. विद्यापीठाने ड्युअल डिग्री मास्टर ऑफ सायन्स प्रोग्राम (डिजिटल प्रोडक्शन फॉर सस्टेनेबल मॅन्युफॅक्चरिंग) अभ्यासक्रमाच्या प्रवेशासाठी अर्ज मागवले आहेत.
यासाठी 20 जानेवारीपर्यंत ऑनलाइन अर्ज करावा लागेल. या अभ्यासक्रमाच्या प्रवेशासाठी माहिती पुस्तिका इंद्रप्रस्थ आणि एजीएच क्राको विद्यापीठाच्या वेबसाइटवर उपलब्ध आहे.

ड्युअल डिग्री एम.एस्सी. प्रोग्राममध्ये प्रवेश घेण्यासाठी, पदवीमध्ये 60% गुण असणे आवश्यक आहे. पदवीधर होण्यासाठी गणित, सांख्यिकी, अर्थशास्त्र किंवा ऑपरेशन रिसर्च यापैकी एक विषय असणे आवश्यक आहे.

प्रवेश कसा मिळवायचा

ड्युअल डिग्री एमएससी अभ्यासक्रमासाठी प्रवेश हा इंडियन इन्स्टिट्यूट ऑफ मॅनेजमेंट (आयआयएम) द्वारे घेतलेल्या कॅट परीक्षेतील गुण आणि मुलाखतीच्या आधारावर असेल.
पोलंडमध्ये शिक्षण घेण्याची संधी

या आंतरराष्ट्रीय दुहेरी पदवी कार्यक्रमात, विद्यार्थी पोलंडमधील एचजीएच क्राको विद्यापीठात पहिले दोन सत्र शिकतील. तर तिसरे आणि चौथे सत्र दिल्लीतील इंद्रप्रस्थ विद्यापीठात पूर्ण केले जाईल. अभ्यासक्रम पूर्ण केल्यानंतर, विद्यार्थ्यांना दुहेरी पदवी मिळेल. इंद्रप्रस्थ विद्यापीठ आणि एचजीएच क्राको विद्यापीठ वेगवेगळ्या पदव्या देतील.

फी किती आहे?

आयपी विद्यापीठाने म्हटले आहे की हा एक किफायतशीर अभ्यासक्रम आहे. विद्यार्थ्यांना अतिरिक्त युरोपियन शिक्षण शुल्क भरावे लागणार नाही. या अभ्यासक्रमाची एकूण फी 2,09,500 रुपये आहे. यामध्ये शिकवणी शुल्क 1,76,000 रुपये आहे.